魷魚保存新鮮方法少貼士，少少愚見 - 釣魚 Fishing

小弟有一些少貼士可能有些釣友都知但即管同大家分享一下，
保鮮？如果可以的話當然最好可以養到返屋企 LA.....但有一定難度，
如果情況唔許可的話，就釣上黎立即處決，可在頭部與身之間用利器或刀刺下，你會看到魷魚身立即轉為白色，
代表經已死去，這種處決方法一來快，二來比較人道，
跟住再清理所有內藏、骨及墨囊(唔清理墨囊返到去屋企會成袋墨)，
再用海水清洗乾淨(千萬不可用淡水緊記，否則會失去鮮味及容易變"梅")，
再用密實袋包好，再放進冰箱再用冰或雪種蓋頂。
回到家如非立即食用，請立即放進雪櫃的冰格內，用這保存方法的魷魚小弟試過二個月後仍能保持其鮮味及爽口。
少少愚見，希望各位用得著。